二鍋頭 (好運中心)

营业中

休息中

好长时间冇嚟沙田逛，而家好运中心多左好多各式各样嘅食店，今日黎到呢间二锅头，门口贴有价目表，清晰易明。款式、配搭非常之多。无论你拣边一款火锅，火锅前均可以品尝黑椒猪手煲、二锅头惹味鸡煲、嫩滑酸菜鱼煲及秘制火焰牛尾煲。我哋今日首先试嘅系牛尾煲，店员小哥好细心，每一个步骤都会事先说明，加左少少酒落牛尾煲度，视觉效果一流，牛尾经过长时间炖煮，口感软嫩，牛味浓，仲食到少少酒味。火锅同样好多汤底选择，我地今次拣嘅系猪骨汤底，汤底鲜甜味美，跟餐每位有1客安格斯牛小排，灼几秒就食得，口感嫩滑。另外食咗好多款嘅食物，有鲜滑牛、鲜虾、墨鱼滑、响铃、水饺、肉丸及蔬菜等，特别欣赏佢手机落单，材料可以选择好少嘅份量，啱哂我呢啲好想每样试少少嘅食客。