深井陳記燒鵝茶餐廳 (已結業)

陈记烧鹅系我成日都会去嘅食店，因为佢烧鹅水准永远都可以keep到咁上下水准同埋佢嘅价钱相比其他出名烧鹅嘅店属于比较亲民！星期日下午因工作关系去到旺角，谂起想食烧鹅，于是就嚟陈记，两店从新装修后，设计简单光猛干净，叫了"烧鹅饭一碟$48+冻咖啡$12",以我嚟依度食咁耐嘅经验，不难会分到烧鹅肶的，因为如果指定要脾系贵好多的！但今次冇咁好彩有脾，但烧鹅卖相仍然不错，烧到深啡红色有网纹脆脆嘅外皮，肉质肥美亦不会太鞋口，仲有佢每一块鹅里面少少啲内臓位亦充满浓郁的五香粉味，同埋我最钟意佢酸梅酱系可以自己任加唔驶悭住悭住咁食，一啖烧鹅再加一大啖酱加埋饭再加啲葱油一齐食，真系香港人独有嘅人间美味，好快我就K.O晒碟饭！冻咖啡亦系茶餐厅水准！仲有一様仲要既嘢系，唔知几时开始香港出名食烧鹅店都系好逼人同要受气，但依到胜在冇依啲问题！所以我会keep住成日嚟！