隆姐泰國美食館 (已搬遷) 新店位置

九龙城一向出名食泰国菜，但未必间间都好食，呢一间我已经食过好多次，味道正宗之余价钱非常合理，值得推介。泰式炸虾饼$68/pieces外层炸的非常香脆可口，里面的虾肉弹牙得黎很juicy，大大旧好正。泰式辣椒膏炒大虾$198我好钟意呢度嘅咖喱，辣中带甜惹味又开胃，大虾够大只啖啖肉。强烈建议配搭蒜蓉包一齐食，超正！好多地方叫咖喱大虾起码2百几，所以呢间算真系好抵食。蒜蓉炒椰菜苗$65因为已经叫左好多浓味既菜式，所以就拣清清地既蒜蓉炒椰菜苗。椰菜苗新鲜爽口，色泽好靓，就算系炒都唔会好油。海南鸡饭$45油饭有油香味，但系唔会太油腻，粒粒分明。虽然个海南鸡唔系无骨，但胜在鸡有鸡味，而且份量都几足。