四寶食堂 (已搬遷) 新店位置

前几日中午去左依间四宝食堂食午餐，地方细细，坐既位置唔算多，约二三十个位左右，坐得算几逼下。佢地食品种类唔算多，主要都系猪扒、鸡扒，配搭饭、面、通粉或沙律咁。卖相都算几好，价钱绝对对得住质素！叫左推介嘅葱油猪扒饭，猪扒煎得非常香，葱油配搭猪扒口味非常唔错。猪扒份量都算几大，仲有煎蛋同火腿，女仕未必食得哂。隔离叫左叉烧蛋饭，睇落都唔错，下次都可以试下。饮埋杯餐饮即磨咖啡，真系一个相当唔错嘅午餐！希望以后食品款式可以多的啦！