齊齊素 (已結業)

朋友话系得宝商场开左一个自助食素的餐厅,叫齐齐素, 价钱又平质素又好,约埋朋友星期六下午去食先,得宝商场系九龙湾站B出口, 一出去天桥向左方向行便到, 好方便。餐厅位于地下 (牛下商场外)。我地打算食午餐, 先睇下价钱, 午餐一至星期日, 成人$78, 小童$58。晚餐星期一至五, 成人$128, 小童$98, 星期六日 成人$148及小童 $118。餐厅十分光鲜, 并以先排队购票后入座, 餐厅坐满9成, 眼见都系街坊多。餐厅主张环保, 希望客人只取一份餐具, 而且要自行将餐具, 厨余分开, 好欣赏呢个做法, 尤其有小朋友可以教导惜食,自动自觉收拾餐具。食物枱有分沙律,甜品,饮品,热盘,炸物小食,汤类,饭面等等, 沙律好受欢迎, 沾上芝麻酱好开胃, 清清个胃可以食啦 ~炸物区估唔到有咁多款, 有2款PIZZA, 炸薯条, 蒜蓉包, 炸饺子, 馒头等等, 至少10种, 而且食晒都好快加添食物, 唔会真空好耐。我中意食炸薯条, 因为加左SHAKE SHAK粉, 好惹味, 仲有豆沙煎堆仔, 好正呀!食左一轮炸物就去揾下热盘, 热盘大约有8款, 素菜为主, 啱晒想食菜的朋友, 仲有怀旧狗仔粉及