茶茶台式料理 (已結業)

现时台湾料理开到成行成市，菜式都系差不多，但系呢间餐厅就有比较特别嘅臭臭锅食，所以被吸引嚟食下。叫咗个一人臭臭锅，入边嘅材料有鸭血、蚬仔、肥牛、猪大肠、米血糕等等，都系好有台湾特色嘅食物。汤底拣咗唔辣，但系个味道就有少少沙嗲感觉，都系有少少辣嘅。豆腐等材料入味之后，就非常之好食，而且仲可以另外追加乌冬，不过我今次就冇加到。鸡扒肉操饭，鸡扒非常之入味，盐酥都好好食，外脆内嫩。小食花枝丸，入边食到花枝粒。台湾小香肠，呢个就唔算好特别，一贯台湾风味。呢个手撕鸡就值得一赞，落咗好多麻酱，而且鸡肉好爽，成个感觉好清新。百香果茶，另外加咗珍珠，百香果味非常之浓，好好饮。朋友叫嘅爆柠四季春，佢都觉得唔错，而且唔系好甜，甜度、冰块多少都有得拣。