影片
更多
2023-05-22
985 浏览
一入到去都闻到有啲攻鼻嘅香料味，但整体觉得抽风都已经算唔错，而枱面地下都算干净，无油淋淋，我哋6个人坐卡位都舒服，但见店中间嘅位可能就背脊贴背脊，迫夹少少，仲有啲4人枱摆䢂口😂😂 坐䢂口嘅话都几惨🙊坐低后店员有介绍用餐嘅次序，先任食鸡煲，然后上一盆海鲜，最后就上炖汤，再用返个汤食任食手切牛火锅！•🥢 $268/person📸 招牌大乱斗(鸡煲)一开始上鸡煲，任食嘅，食完可以再refill，我哋叫咗2煲！上枱系一煲腌好嘅生鸡肉同配料(洋葱、辣椒、豆卜、秀珍菇)，鸡煲要每2分钟炒1次，总共炒4次，都要啲耐性等同炒，不过炒第一煲嘅时候店员无提我哋电磁炉嘅火力，开大咗嚟炒就㶶㶶地lu😂 第一煲都几多肉，但refill之后就多咗少少骨，但都可以接受。个鸡煲其实都几好食，因为有唔太食得辣嘅屋企人，所以叫咗bb辣，麻辣味好浅，而系比较重孜然味；有啲花椒粒，味道稍浓，但食得鸡煲都预咗~ 📸海鲜盛宴海鲜拼盘系喺厨房蒸好再上枱，有6款海鲜: 鲍鱼、扇贝、蛏子、半只开边虾、鱼片同蚬，海鲜按人头份量，上枱果下都几澎湃！质素正常，不过比较细只，但呢个价钱包咁多野食㖞，算很不错😌 海鲜主要配粉丝、大量生蒜同葱蒸，
坐低后店员有介绍用餐嘅次序，先任食鸡煲，然后上一盆海鲜，最后就上炖汤，再用返个汤食任食手切牛火锅！
•
🥢 $268/person
📸 招牌大乱斗(鸡煲)
一开始上鸡煲，任食嘅，食完可以再refill，我哋叫咗2煲！上枱系一煲腌好嘅生鸡肉同配料(洋葱、辣椒、豆卜、秀珍菇)，鸡煲要每2分钟炒1次，总共炒4次，都要啲耐性等同炒，不过炒第一煲嘅时候店员无提我哋电磁炉嘅火力，开大咗嚟炒就㶶㶶地lu😂 第一煲都几多肉，但refill之后就多咗少少骨，但都可以接受。个鸡煲其实都几好食，因为有唔太食得辣嘅屋企人，所以叫咗bb辣，麻辣味好浅，而系比较重孜然味；有啲花椒粒，味道稍浓，但食得鸡煲都预咗~
📸海鲜盛宴
海鲜拼盘系喺厨房蒸好再上枱，有6款海鲜: 鲍鱼、扇贝、蛏子、半只开边虾、鱼片同蚬，海鲜按人头份量，上枱果下都几澎湃！质素正常，不过比较细只，但呢个价钱包咁多野食㖞，算很不错😌 海鲜主要配粉丝、大量生蒜同葱蒸，中间仲有啲乌冬添！
📸滋补火锅
个汤系虫草花乌鸡炖汤，每人装咗一大碗都仲有半煲，汤都几浓味，偏咸咗少少，但几足料同好饮嘅，而且饮完唔会好颈渴！饮完汤可以叫加水/汤再打边炉~ 不过加咗水之后隔咗好几个字个汤都唔太滚得起，好难打到边炉就同店员反映下，佢有解释瓦煲同电磁炉传嘅热个问题已经加咗铁片去导热，不过都可以照换个正常煲继续打边炉~
边炉配料正常，有几款丸类、菇、蔬菜、豆腐、牛柏页、响铃同鱼皮等，最正系炖汤底渌菜好鲜甜😋
📸手切牛颈脊/黑毛猪肉
Like FB/ IG 就可以任食手切牛颈脊，啲牛几好食，好有牛味，厚薄适中，叫咗几轮质素都差唔多，系偶尔有几片肥啲! 而黑毛猪肉就普通啲，食咗1碟就无再叫lu~
🌟推荐度： 8.5/10
张贴
