湖越

营业中

休息中

今晚约咗两个朋友食饭，谂唔到食咩，就拣咗呢间越南菜贪佢呢度风凉水冷，帮我个湖景静静地，好舒服，今日平日又唔多人。我哋叫咗支白酒饮，职员俾咗啖我哋试都唔错，都系$188支。我哋叫咗个炭烧猪颈肉，烧得唔错，系切得厚左小小，加埋佢个汁好好食。叫咗个越南虾饼同越南春卷，即叫即炸，都好好食，份量又可以叫一半，可以食好多款式，虾饼又弹牙，春卷好饱满，好足料。跟住叫咗个炒通菜， 热辣辣好香好惹味，菜靓，炒得唔老。香草辣椒炒牛腩牛筋，呢个送酒真系一流，牛腩好林，又入味。我哋三个人饮咗三支白酒，食咗少少嘢，都唔使$1000埋单，又可以静静哋食饭，又可以同老朋友聚一聚，真心唔错。