皇廷工房點心專門店 (已結業)

最钟意周末朝头早，同囡囡去饮茶，慢慢叹，食一盅两件，真系人生嘅一大乐事。唔好以为饮茶好老土，而家好多点心专门店都装修得好新潮。今朝就去咗观塘嘅皇廷工房点心专门店，餐厅布置几有型格。见到都几多街坊嚟帮衬，同埋呢度服务好好㗎，例如囡囡有咳，店员姐姐就话冲杯柚子蜜佢饮，好有人情味。餐厅嘅价钱仲好抵，冇加一，十几廿蚊就有交易。叫咗好多嘢食有时蔬、鹌鹑蛋烧卖、酿尖椒、 蒸萝卜糕同红枣糕。囡囡超钟意食红枣糕，佢自己一个人食晒成笼🙈酿尖椒几特别，上面有啲日本菜常见嘅柴鱼片，囡囡好钟意，贪佢够香口，之后姐姐见佢钟意食，就入厨房添，畀佢食完，又再问佢仲要唔要，so nice 🤭