湯•米 (已易手) 新餐厅

打边炉最开心就系可以一人一锅，见到咁多款汤底拣，而且仲有芝士茶供应，就入去试试。拣咗个药膳牛肉锅，一饮个汤底非常满意！有药膳味之余又唔会有苦味，好清甜但又唔会好淡味，呢个价钱有呢个质素真系好抵食！个锅面头有牛肉，底下有好多材料，包括红枣，杞子，娃娃菜，椰菜，云耳，金菇，冬菇，豆腐，豆角，粟米，炸鱼皮，炸薯仔，炸枝竹，鹌鹑蛋同呜门卷，可以话系咩都有，仲可以跟个粉丝，食完超饱呀！男友人就拣浓味嘅咖哩奶盖锅，市面少见，闻到好香咖哩味，入面嘅材料同我𠮶锅一样。另外加咗个盐酥鸡扒，好香脆又惹味！饮品叫左芝士茶茶八号，都唔差㖞！芝士奶盖好幼滑，好夹个茶底。男友人就试芝芝桃桃，啖啖桃肉，出乎预料嘅好味，唔怪得咁多人等位啦。