倆仨杯

营业中

休息中

喺海港城行街見到呢間珍珠奶茶店，我原本諗住只係買杯珍珠奶茶，點知見到佢嘅小食同埋撈烏東仲有肉燥飯，都係好抵食，所以一於喺度解決埋晚餐。肉燥飯好香唔會好油膩，而且份量好多，哥哥鍾意食肉燥撈烏冬，肉燥汁撈埋烏冬特別惹未，我就試咗醉雞翼烏冬，唔係好重酒味，不過好香。小食每樣都係廿零蚊，唔覺唔覺點咗好多，我覺得最好食係炸貢丸，而小朋友最鍾意食滷水雞心同埋豬耳，好入味，真心好味。最後仲食埋甜品，台灣粉圓咁出名冇理由唔試，但我最鍾意佢有好多配料，有芝麻味布丁，同埋芋泥好香，芋圓亦都好有咬口配埋牛奶棉花冰，呢個甜品唔會好甜，但食得好滿足。總括呢間餐廳唔止淨係飲珍珠奶茶，估唔到連台式小食都咁出色，值得一讚。