十二鍋 (已結業)

今日就带大家嚟到佐敦，喺地铁站旁边既庄士轮敦广场绝对系觅食既好地方🤩，今次同大家去地舖食台式火锅🍲。呢度提供火锅🍲款式都几多，一共有1️⃣2️⃣款添！我个人几钟意呢度嘅汤底，沙茶牛肉锅嘅汤底味道刚刚好，食落浓味唔会过咸👍🏻。沙茶牛肉锅入面，我最钟意佢粒牛丸，咬落弹牙又多汁。而餐厅🍴喺汤底中加入台湾面线，完全吸收晒沙茶酱嘅精华，真系几惹味😋！而寿喜烧汤底味道温和，因为锅中会加入唔同蔬菜🥬，食落甜甜地，容易入口，用嚟渌牛肉就最啱喇😍！另外我哋仲叫咗一份鸭血，食落有少少辣，又带一点麻香，口感好软腍，又嫩口！我几钟意呢度汤底唔会过咸，饮完随餐附送嘅绿茶都唔会太口干。另外，每一款锅都会提供唔同款式嘅食材，份量都几多，一定够食，所以都几抵食！