氣噗噗

营业中

休息中

传说马鞍山系美食沙漠，都唔系吖，商场应该有嘅都有，最近都开咗间新嘅打边炉，台式，今日系平日夜晚，都full house，我谂系佢难得唔系连锁大牌同性价比够高。就算食最后𠮶个餐都只系二百几蚊，佢已经有好耐嘅牛小排同埋霜降和牛，呢道最特别系每人包一杯台饮，简直系被奶茶耽误嘅火锅店🤣 我拣咗柠檬爱玉蜂蜜绿茶，几好㖞，够fresh，又有得拣走甜，男朋友杯珍珠奶茶都唔错👍🏻野食方面，一入座就话已经帮我地落咗第一轮牛肉先，上枱觉得啲肉都几靓，有肥嘅，都有瘦啲肩肉~牛味浓郁，冇hea你，重点系上咗几转啲肉都仲好靓。羊肉同鸡都正，鸡肉冇死实实，好嫩滑。汤底拣咗一个猪骨同鹿茸菌~清甜唔会好快腻。点餐仲有冰蕃薯、蕃薯条、流心芋泥丸、炸鸡呢啲台湾野食，好鬼正。必食流心芋泥丸！咸蛋黄嘅流心好香，配埋芋泥无敌！出面自助区配料菜、菇类都好齐全，仲有台湾王子面。最惊喜系有卤肉饭同无限麻辣鸭血~ 一出就好快冇哂，但refill速度ok，行下一转都已经再有得拎。而甜品方面有泡芙、自助雪糕机，牛乳雪糕好香甜，重奶果！而配料区竟然有齐常见台式甜品嘅料，有芋圆、红豆、仙草同爱玉！！！好正呢个价钱晚餐真系冇投诉了，抵食！