牛霸小麵店 (已結業)

牛霸小面店位处天乐里W Square后面，要经过球场之间嘅行人路再转右就见到，位置有少少偏僻，朋友在附近返工，所以只有呢间店，呢晚放工后我哋就去咗呢间店食晚餐。餐厅嘅装修非常绿化，入面光猛舒适，有少少世外桃源嘅感觉。座位都算多，容易揾位坐。一坐低，店员就为我地送上点菜纸，和一张印有QR code嘅单，只要扫一扫QR code就可以用手机点菜啦！我地点左两份餐，每分餐都加咗一杯饮品。卤肉盐酥鸡便当：份便当都几丰富，盐酥鸡炸得香脆可口，份量够多，卤肉饭一样好味，卤肉份量一样唔少，好够送饭。仲有其他如卤蛋、生菜、豆角，好丰富。我加咗杯热珍珠奶茶，味道都唔错，珍珠好烟靭。肉燥排骨面：朋友加$3转左蕃茄汤底，佢话蕃茄汤底嘅味道好浓，而且连埋肉燥，成个汤底嘅味道更上一层楼，佢连汤都饮咗大半碗。排骨大大块，肉质厚，好味道。冻朱古力味道浓郁，啱晒爱甜之人。