牛壹台食 (已結業)

真系好挂住台湾！虽身在香港却心系台湾🥺 招牌红烧牛腱心半筋半肉面 - 汤嘅味道偏向清淡牛味唔算太重，所以饮完都唔会完好口渴。牛腱心肉肉质软腍颇有质感。牛筋咬落烟韧唔会太硬。牛肉嘅份量非常慷慨，呢一碗面有几旧大大块嘅牛肉食完好够饱！碗面嘅特别之处就系可以选择关庙面。但可惜面煮嘅时间耐左，令到面质偏腍缺少弹牙嘅口感，始终都系台湾嘅最好食。另一样主食就系必食卤牛肉饭 - 卤肉饭就食得多，卤牛饭就真系第一次食😋 卤牛肉质鲜嫩，份量十足，配有特制卤肉酱汁、酸菜同埋卤水蛋，配搭恰到好处。配上两杯少甜消暑冻饮就当自己去咗一转台湾吧！