小麻吉滷肉飯 (已結業)

早几日行街经过旺角通菜街，谂起朋友介绍过呢一间小麻吉卤肉饭，又平又好食😋咁啱又到晚餐时间，即管入去试一试店舖嘅装修简洁明亮，墙身有一大幅台湾夜市嘅壁画，色彩缤纷🌈食物选择有好多，大量台湾地道小食，卤肉饭，干拌面等等🤤见到都肚饿，开动🍽️坐低就用QR落单，同朋友一人叫咗一个大满足定食🥢每个都食都可以自选饭/面一个，主菜一个，小食一个，饮品一杯，仲送埋小黄瓜同台湾小香肠添🙊劲丰富，果然系大满足。甘香卤肉饭🍚卤肉好够味，唔会太碎，配饭食好有口感，而且酱汁都几多，够捞晒成碗饭，淡淡滋味。另一份主食系肉燥麻酱干拌面，麻酱劲多好挂面，连埋肉燥食好夹。呢度嘅饭底同面底份量都几多，男仔都绝对够食。主食逢甲盐酥鸡🐔味道啱啱好，唔会太浓太腻，都有成6件。脆香鸡翼都几大只，外层皮脆，入面有肉汁。呢度嘅炸物做得真系几出色，好香口又唔会好油。小食酥炸花枝丸，入面真系有墨鱼粒😍口感劲好。阿嬷炸饺子，菜肉馅够饱满，外层同样炸到十分酥脆。饮品有十分多选择，当然以台式特饮为主🧋叫咗胚芽奶茶同抹香绿茶，两杯都加咗珍珠🤪正啊!