木玥巷 (已結業)

都有一排无食台湾野，估唔到一食就日日食咁制😂今日拣咗呢间木玥巷，本身得屯门有，知道元朗都开咗，拉埋另一半去食！环境就系朗屏站附近，地理位置方便。餐牌都几多食物，重点系价钱唔贵，点多几款都无问题。双色盐酥鸡 $56必点！鸡件炸粉薄身，鸡肉juicy，再配上蜜糖，好夹！ 蜂蜜冰烤地瓜 $42 夏天嗌呢个一流呀！食落去劲消暑，冻冰冰，烤地瓜本身已经甜，加上蜂蜜更加滋味。苍蝇头配刈包 $78 主要由韮菜、肉碎、黑豆豉及辣椒炒成，因为有黑豆豉，亦令有苍蝇头呢个名。本身苍蝇头呢味𩠌已经𩠌饭一流，微微辣辣，加上刈包到食，饱肚感提升，口感亦更好。塔香香辣牛肉炒饭 $88 又叫咗款好惹味嘅炒饭，饭炒得够干身，味道比较清淡，可以用苍蝇头𩠌饭都得。白桃桂花乌龙清茶 $32 落单前店员已告知此款无糖，啱哂我呢啲嗌开走甜嘅人。冬瓜蜜柠檬红茶 $32 冬瓜蜜配柠檬清甜得嚟又开胃。