八方台式麵屋 (愉景新城)

营业中

休息中

估唔到诚品书店入面都有台湾菜小店，我同朋友行完山想食少许轻食，呢间小店就啱晒。佢今次点咗大肠面线，煎饺子，师大香酥猪扒，同埋杂锦小食 （一次过试晒炸花枝丸、台湾香肠、同埋炸鸡粒），饮品就要咗珍珠豆乳。大肠面线嘅面煮得有少少过淋，不过不失；煎饺子大大件，入面馅料都好足，抵食之选；师大香酥猪扒非常出色，真系叫完即刻炸，表皮非常酥脆，猪扒保留肉汁，而且猪扒超大件；小食入面嘅炸花枝丸亦系好推介，咬落去弹牙，台湾香肠同埋炸鸡粒都系热辣辣，新鲜制作。