影片
更多
2018-02-14
253 浏览
近期寒风刺骨，边炉瘾不断，今日终于揾到脚。唔系朋友食过，系条街度真系唔会留意到呢间舖，事关间舖系2/F, 招牌写uniboil，斋睇个招牌仲以为食西餐，真系估佢唔到有边炉打，完全系睇唔出有边炉打啰。边炉似日式，但居然有麻辣汤底，最啱钟意食辣嘅人。边炉系一人一炉方式，既卫生又啱我呢啲成日揾唔到脚嘅边炉怪黎止咳。另外，夜晚要系上环揾食都唔系易事，仲要揾边炉真系难上加难。最后我地点左一个麻辣汤底嘅牛肉锅同咸蛋南瓜汤底嘅豚肉锅。100左右一个锅，仲要有好多料，以上环呢个贵价地段，点揾呀。麻辣汤底真系够麻够辣够惹味，至于个咸蛋南瓜汤仲正，怪不得朋友极力推介。南瓜汤底就见得多，系未见过加左咸蛋嘅南瓜汤底。饮落口有甜甜地嘅南瓜味，又有淡淡嘅咸蛋味，直头可以当汤饮。火锅料嘅牛肉同豚肉都好新鲜，又肥瘦适中。唔似大XX果啲，汤底又无味，啲肉又斋肥。锅里面仲有好多肉丸，平时都好钟意食芝士丸，但发觉呢间啲芝士丸好似唔同啲，特别浓，啱晒我呢啲芝士粉。另一个值得推介嘅系佢其中一只丸，若果无食错，系有生姜皮蛋系里面，好得意。因为我同朋友都钟意食辣，所以另外加点左个口水鸡，好惊讶有机械人侍应黎捧餐，唔知系咪少出街食饭
边炉似日式，但居然有麻辣汤底，最啱钟意食辣嘅人。边炉系一人一炉方式，既卫生又啱我呢啲成日揾唔到脚嘅边炉怪黎止咳。另外，夜晚要系上环揾食都唔系易事，仲要揾边炉真系难上加难。
最后我地点左一个麻辣汤底嘅牛肉锅同咸蛋南瓜汤底嘅豚肉锅。100左右一个锅，仲要有好多料，以上环呢个贵价地段，点揾呀。
麻辣汤底真系够麻够辣够惹味，至于个咸蛋南瓜汤仲正，怪不得朋友极力推介。南瓜汤底就见得多，系未见过加左咸蛋嘅南瓜汤底。饮落口有甜甜地嘅南瓜味，又有淡淡嘅咸蛋味，直头可以当汤饮。火锅料嘅牛肉同豚肉都好新鲜，又肥瘦适中。唔似大XX果啲，汤底又无味，啲肉又斋肥。锅里面仲有好多肉丸，平时都好钟意食芝士丸，但发觉呢间啲芝士丸好似唔同啲，特别浓，啱晒我呢啲芝士粉。另一个值得推介嘅系佢其中一只丸，若果无食错，系有生姜皮蛋系里面，好得意。
因为我同朋友都钟意食辣，所以另外加点左个口水鸡，好惊讶有机械人侍应黎捧餐，唔知系咪少出街食饭呢? 真系第一次见。口水鸡真系边食边流口水，真系好麻好辣好过瘾。
其实见到佢餐牌都有几多唔同类型嘅锅，好似日韩中都有，下次一定要试埋其他。见到有其他客人食紧烤鱼，好似几吸引。另外一赞系呢度地方宽敞，坐得好舒服，抽气又好，唔洗食到一身烟。
张贴
