火鍋郎 (已結業)

听朋友话尖沙咀新开左间和牛边炉，主打日本A5和牛，啲价钱仲要几亲民，所以行完街就过嚟试一试佢！一去到店员劲nice 系咁介绍唔同汤底 听佢介绍完拣咗花胶鸡响螺金汤同黑松灵竹笙松茸野菌汤啲汤底真系好有惊喜！花胶鸡响螺金汤好浓郁，味道好鲜甜，我哋直接当汤嚟饮！汤底入边好多花胶 仲有一碟鲜鸡提供～超级足料第一次用黑松露汤底打边炉，感觉清清地而且香气浓郁！好重松茸野菌味，愈煲愈浓！如果钟意黑松露同菇一定要试！重点嚟啦！呢到嘅日本A5和牛劲多部位拣，样样都有试下〜最钟意系封门柳！牛味浓 油脂分布均匀 食多几旧都唔滞！牛胸爽食落爽脆有油香〜 一定要讲嘅系自家制嘅和牛饺 好好味好Juicy!!! 有和牛嘅油脂同香 $48劲抵！同埋和牛卤肉饭🍚一定一定要试！牛汁超香油脂 系我食过最好食嘅。讲真，见到佢呢个价钱，无谂过$38嘅卤肉饭都咁好食😂Overall 服务好好又坐得舒服，嗌劲多嘢都系一千有找，食肉兽可以试下。