影片
更多
2020-12-30
2897 浏览
咁大个人第一次食和牛烧肉放题，今次系见到有YouTuber 介绍，仲要只系$388一位，即刻book位。不过佢系新开张去，所以都有心理准备会无咁好。因为特首唔同嘅关系，只可以食午市。店舖位置系杨屋道街市隔离，荃湾西行去10分钟内到。一入门口就见到好多和牛放系度，好彩唔洗等位，如果唔系就要流住口水咁等😂铺面环境宽敞，枱唔算密。烧肉最重要除咗肉，就系抽风，呢度无咩油烟味，几通爽，同埋要赞下啲清洁，无论地下定枱面都好干净，比好多酒店更好，期间见过店员执枱，真系好仔细认真。服务方面无咩特别好或差，正常香港侍应态度。落单系用电话落，环保。饮品出面自己拎，一般放题饮品，但无茶。入正题啦，一坐低就有一碟附送嘅刺身，三文鱼干柴左啲，无鱼油甘香味。带子有带子鲜味，但太薄身，质感欠奉。同时会有一碟和牛拼盘，每款可以叫嘅肉都会俾你试下先，前面有块牌仔，呢个好紧要，试过食完觉得好食，但系都唔知点叫返。睇样大概知质素，油花均匀，肉色鲜，融雪好，切得厚身，食落口感会较有层次。胸腹牛味最浓，外腿油脂味最香肉质滑，前肩最爽口，亦有油甘同牛味，三角冇咩特别突出，牛冧食落似牛柳。部分有少少筋，全部质素都好对板，各有千秋。
一入门口就见到好多和牛放系度，好彩唔洗等位，如果唔系就要流住口水咁等😂
铺面环境宽敞，枱唔算密。烧肉最重要除咗肉，就系抽风，呢度无咩油烟味，几通爽，同埋要赞下啲清洁，无论地下定枱面都好干净，比好多酒店更好，期间见过店员执枱，真系好仔细认真。
服务方面无咩特别好或差，正常香港侍应态度。
落单系用电话落，环保。饮品出面自己拎，一般放题饮品，但无茶。
入正题啦，一坐低就有一碟附送嘅刺身，三文鱼干柴左啲，无鱼油甘香味。带子有带子鲜味，但太薄身，质感欠奉。
同时会有一碟和牛拼盘，每款可以叫嘅肉都会俾你试下先，前面有块牌仔，呢个好紧要，试过食完觉得好食，但系都唔知点叫返。睇样大概知质素，油花均匀，肉色鲜，融雪好，切得厚身，食落口感会较有层次。胸腹牛味最浓，外腿油脂味最香肉质滑，前肩最爽口，亦有油甘同牛味，三角冇咩特别突出，牛冧食落似牛柳。部分有少少筋，全部质素都好对板，各有千秋。
薄同厚牛舌，有得拣梗系食厚切，好juicy，爽口易咬，追加左3次😋
其他前菜炸物就唔多讲，一般放题质素，要提嘅得海鲜，呢个清酒蚬不得了，初初见到全部开口谂住都新鲜，点知霉臭腥，全部无食。虾都系霉，不过未至于掉。
豚拖罗，好食，爽口juicy，似猪颈肉。
第二三转肉，的确差一截，脂肪比例睇图都知，外腿肉直头几次都系有一半以上系脂肪，无论系新鲜，牛味，肉质，融雪都有几大分别，老实讲，直头唔多似和牛。
最后每人一杯雪糕，离座前30分钟last order，正常，但要叫埋雪糕，如果想食完烧肉再食，就会好似我咁有一半溶左。呢点有待改善。
总结，唔好叫海鲜，好好品尝头轮和牛。虽然之后嘅牛有明显差别，但$388，依然抵食对得住价钱。真心，系香港就算你俾四五百蚊食，一样会系第二轮打后都系次货。所以会再食，有兴趣都可以去试下。
张贴
