牛川日本和牛專門店 (已結業)

牛川日本和牛专门店天气开始转凉，同朋友聚会少不免会谂起围炉烧肉。今次就嚟到铜锣湾揾好嘢食，见到呢间新开嘅日本餐厅评价唔错，决定一战。入到去成个感觉好fushion，果真集日本烧肉同料理放题于一身。呢度嘅食物选择多到令人眼花撩乱，今日就试咗个尊贵和牛套餐，当中包括来自岩手同熊本嘅和牛，部位选择多元，性价比一绝。见到和牛拼盘上台已经好满意，以层层木架呈现各款肉类，附上牌仔，方便客人以淡到浓、瘦到肥咁享用。每款肉其实都各有特色，私心推荐：口感爽弹嘅牛冧、肉味浓郁嘅千本筋、油花满满入口即化嘅牛五花、肉质软嫩嘅牛肩梅花。再黎仲有海鲜拼盘船，用料丰富，件件大只厚肉，色泽靓，最重要系全部都日本直送够新鲜。不论系日本蚝、帆立贝、甲罗烧、虎虾等等，全部都鲜味十足够清甜，无得弹！今次亦试咗好多款小食，只要系你谂得到嘅基本都有。少见嘅烧牛肉他他同飞驒牛刺身、令人食得滋味满足嘅手工烧鸟串、开胃清新嘅和牛沙律、肥美可口嘅鱼类刺身、包罗万有嘅寿司、最大路种类繁多嘅炸物同熟食等等。呢到所有嘅操作简单方便，落单用QR code，疯狂叫都唔会唔好意思。饮品亦同样自助形式，仲有雪糕提供，真系会食到捧住个肚走，大家记住唔好