一汁一菜 (中環街市) (已結業)

今日经过中环街市见到有间和风轻食料理外卖店，有个$178二人餐好富丰，包括有2个汤、1个咖喱饭、1个日本米饭、2个日本料理同两杯饮品，咁抵食就决定买返去做今晚既晚餐。北海道产甜粟鸡肉豆乳浓汤第一啖饮落去…哗…好好饮，浓头好creamy，味道清甜，有齐粟米粒、西兰花同鸡肉，材料十足！意大利产蕃茄蔬菜浓汤蕃茄味道浓郁，有蔬菜嘅清甜味！仲有既系入面有一只温泉蛋，真系超吸引！浓香牛肉野菌咖哩饭小小的一个杯子里藏著满满的牛腩，份量真系好多，而且挺大件，炆得非常入味，入口松化！咖哩味香浓，微微辛辣，拌饭真系一流，好有日本既风味！蕃茄菠菜芝士鸡肉卷 鸡肉卷住芝士同菠菜，再用牛油加蒜蓉煎至金黄，鸡肉卷质感嫩滑，配上浓稠既番茄汁，酸甜开胃。五彩野菜浓豆腐伴凉伴小菜有菠菜、萝卜丝、菇、腐皮同蒟蒻，有阵阵麻油既香味，清清地适合素食既朋友。饮品饮品有两款选择，包括冻蜜桃红茶同冻玄米青茶，我地每样要左一杯试下，冻蜜桃红茶味道少少蜜桃味，又不会太甜，几好饮，而冻玄米青茶，含纤维同有利于肠胃，消滞止渴。野菜沙律杯另加$20加配，野菜包括蕃茄、生菜、红萝卜、紫甘蓝、青瓜同奇异果，配美味酱汁，野菜十分新鲜，高纤健康。