村爺爺車仔麵 (已搬遷) 新店位置

下午两点几下午茶时间，揾到方食lunch , 行到嚟间村爷爷泡饭、车仔面店试下，入到去人不多，墙壁上贴左好多名星相，之后睇下餐牌有乜好食，佢车仔面同泡饭都有龙虾汤同猪骨汤分，价＄都差成二十元，但我睇睇下，比依个吉列咖喱黑豚饭吸引住，仲要只系$28连热饭，认真抵！不一会成只好似龙船咁大嘅碗送上我台面，个碗真系大得有点夸张，而卖相亦唔差，份量都几大份，猪扒好大块切开都有五六块左右，完全唔似下午茶份量，你亦食得出猪扒即叫即炸的，咖喱除左薯仔外仲有红箩白，个汁辣辣甜甜几开胃！估唔到今日食到一个有质素的下午茶餐！