少爺18 (已結業)

好味指数：🌟🌟🌟抵食指数：🤑🤑🤑🤑去亲葵芳都系扫街，今次就去咗新都会广场揾咗间餐厅坐低食。呢间系一间结合咗传统同创新嘅星马餐厅，餐厅环境够大，就算一班人嚟都可以安排到座位，适合lunch time食饭，等位又唔耐✅烧鸡髀煎蛋饭系大大只嘅鸡髀呀！几乎占咗半只碟，鸡髀烧得啱啱好，表皮爽口肉质嫩滑，而且用刀叉好容易就可以将佢切开，可以有仪态咁食，不过鸡髀最正宗嘅食法梗系拎起来咬啦！煎蛋有少少流心，蛋汁配埋饭特别好味，而佢嘅秘制汁酸酸甜甜带微辣，配鸡脾食味道有层次仲解腻而且系新都会返工嘅人仲有八折，喺呢个广场食饭呢间真系算好抵食，不过听闻佢营业到九月中，要把握机会去试啦