蘭英印尼小食 (已結業)

今日Mr.J带我由乐富行落去九龙城揾食。由公园穿过九龙城广场后，就见到对面有一间唔起眼，但不断有人去买嘅小食店。原先想叫牛肉，但啱啱卖哂要等，所以今次叫咗1)花枝丸(2)黑椒牛丸(3)猪颈肉(4)鸡肉所有都系要小辣。依间小店嘅沙嗲汁系稠身嘅，可以拣小辣大辣同唔辣。先讲牛丸，一串有4粒，都只系13蚊。因为系有黑椒，会抢咗啲沙嗲味，我觉得比较适合浓口味人士。花枝丸亦都系13蚊4粒，依个我系超级推介。花枝丸一啖咬落去系外脆内软嘅感觉，烧到热辣辣，再加返小辣嘅沙嗲汁，只可以讲系天衣无缝。（本身好喜欢食花枝丸)猪颈肉一串系薄薄的两大块，不错的，唔系烧到太干。鸡肉烧得啱啱好，肉汁还在，加埋沙嗲汁好正。（Mr.J唔太喜欢鸡，所以大部分都系我食哂)