元札幌拉麵 (悅來坊)

营业中

休息中

呢轮三兄弟个肠胃都唔好，屋企啲乳酸药食得七七八八，所以今日过左荃湾间宠物店买乳酸比佢地。后来行到过黎熊猫酒店悦来坊揾食，之前食过呢个商场嘅牛之锅同定食8，今次就试下地库呢间「元札幌拉面」啦。遇上食饭时间，加上店铺唔大，坐位不多，难免要攞飞等一等。等左5分钟左右就有位啦，攞起份MENU睇睇，小食同饮品种类都算多，而且价钱都几抵下㖞。主食方面，有拉面同饭可供选择，而拉面除了有3款汤底，味噌、酱油同埋盐味可拣之外，连面嘅软硬度都有得拣，认真贴心。墙上嘅木制挂牌相当精致，令店铺沾上一番日本风味。先黎小食，串烧鸡软骨，虽然稍为干了点，但仍然食到照烧味道，而且好香好脆。串烧鸡翼，外皮烧得够晒香脆，价钱只系$15咋，真系好抵食。极力推介呢个烧牛舌，呢度个牛舌不单够厚，而且相当惹味，口感十足。有机会一定要试下。老婆点左豚软骨拉面，选了酱油汤底及硬身面底。佢最钟意只流心蛋，唔会太生或太熟，啱啱好。豚软骨煮得够腍，有咬口，而面底就够晒弹牙。而我个牛肋条饭连沙律、蒸蛋、面汤都只系$75，认真超值。而且份量都唔细，正常男人食量都够饱架。