龍邦燒味小廚茶餐廳

营业中

休息中

上堂上到攰攰哋…趁住阿sir放break就又走出去揾嘢食啦，晨咁早除咗茶餐厅其实都冇咩好选择。我朋友就推荐食呢烧味茶餐厅，啫系既有提供即斩烧味又有茶餐厅嘢食，睇落唔错㖞，一于试下先！！不过我哋想食面唔想食烧味…晨咁早食咩烧味啫！店面入面环境都几大下，又够光猛，干净企理咁。我就食B餐：火腿奄列牛油餐包、沙嗲牛肉公仔面、热华田。味道都系笼统果种啦，冇话特别好味，系平时食开果种味道啰，不过咁都好嘅，稳稳阵阵咁就唔会比人话难食。我frd就食C餐：煎蛋牛油餐包、蜜汁叉烧通粉、冻奶茶。叉烧就比咗几块，不过食落又唔错嘅，唔会太肥腻，不愧系即斩烧味、烧味茶餐厅。