影片
更多
2012-08-21
374 浏览
Mikiki 开左咁耐 , 都系去过一次 .... 新蒲岗呢个地方 ,我真系好少好少踏足 , 要向妈妈证实一下 , 我细个究竟有无黎过 ...平时唔会去都好啦 , 有时团购就系咁 ... 有能力令人周围走去觅食今次呢间越式工房 , 买左团购都有好几个月 , 终于抽到时间黎食二人餐包六道菜 , 另外仲可以用优惠价单点其他菜色, 真系几抵 ~1. 泰式青木瓜柚子沙律~ 平时食好多地方都整到好咸 , 呢度反而系甜o既 ...原因应该系佢用左泰式辣鸡酱 , 不过味道唔系几夹 , 青木瓜丝好爽口, 柚子份量比较少1 , 食下食下又清晒㖞2. 越南扎肉蒸粉饱~ 细细件 , 馅料有 d 酸酸地o既萝白丝 , o系面再放少少扎肉 , 无乜特别 , 个粉饱皮放耐左会干同变得韧 , 要尽快食 , 味道一般3. 马来沙嗲串烧~ 系雪藏鸡柳 , 上枱o个刻见到有少少失望 , 心目中呢 d 鸡柳系超鞋o既而家睇落好似烧到过晒火咁 , 幻想到佢会系又鞋又干又有㶶味 , 点知咬落去又有 d 惊喜㖞 , 几弹牙而且个味道都唔错㖞 , 沙爹酱都几香4. 泰皇红咖喱炒蟹~ 红咖喱带点辛辣 , 有轻微似冬阴公o既酸味 ,
我真系好少好少踏足 , 要向妈妈证实一下 , 我细个究竟有无黎过 ...
平时唔会去都好啦 , 有时团购就系咁 ... 有能力令人周围走去觅食
今次呢间越式工房 , 买左团购都有好几个月 , 终于抽到时间黎食
二人餐包六道菜 , 另外仲可以用优惠价单点其他菜色, 真系几抵 ~
1. 泰式青木瓜柚子沙律~ 平时食好多地方都整到好咸 , 呢度反而系甜o既 ...
原因应该系佢用左泰式辣鸡酱 , 不过味道唔系几夹 ,
青木瓜丝好爽口, 柚子份量比较少1 , 食下食下又清晒㖞
2. 越南扎肉蒸粉饱~ 细细件 , 馅料有 d 酸酸地o既萝白丝 , o系面再放少少扎肉 ,
无乜特别 , 个粉饱皮放耐左会干同变得韧 , 要尽快食 , 味道一般
3. 马来沙嗲串烧~ 系雪藏鸡柳 , 上枱o个刻见到有少少失望 , 心目中呢 d 鸡柳系超鞋o既
而家睇落好似烧到过晒火咁 , 幻想到佢会系又鞋又干又有㶶味 ,
点知咬落去又有 d 惊喜㖞 , 几弹牙而且个味道都唔错㖞 , 沙爹酱都几香
4. 泰皇红咖喱炒蟹~ 红咖喱带点辛辣 , 有轻微似冬阴公o既酸味 , 配料有蕃茄及椰菜花
好够淋好入味 , 不过咁大碟咖喱汁 , 又如再多 d 配料就仲正
肉蟹睇落唔大只 , 但食落都几多肉 , 仲好滑好甜 , 肉质似乎系恰巧炒熟
美中不足系只蟹开盖后只系一开二 , 又无预先 " 钳 " 开 d 壳 , 比较难剥
但整体黎讲 ... 呢碟蟹就算唔系有团购价 , 我见佢 menu 个价钱都唔贵
仲可以加钱配农夫包 , 以佢个咖哩汁, 香浓得黎唔会太油 , 应该几夹农夫包
5 印度烤饼~ 上枱好快就食左 , 无影到相 , 一般雪藏o既酥饼 , 趁热食唔会差得去边
6. 是日甜品
~ 无食到 , 我地食饱就去埋单 , 完全唔记得左仲有个甜品未食 ><"
7. 辣椒膏炒蛏子
~ 团购价加 $ 38 , 比想像中大碟得多 , d 蛏子好短但肥o都o都 , 好得意
食落都几鲜甜几肥美 , 间中都食到一两只系有沙o既 , 但可以接受o既
味道甜甜地 , 好香洋葱同红椒味 , 反而无乜辣味 , 容易入口 ~
8. 冬阴公汤泡花甲~ 同样系加 $ 38 , 相对起黎 , 花甲份量不及蛏子多 ,
冬阴公汤真系纯粹用黎煮个花甲 ... 连一粒菇都无 ,
花甲好入味 , size 一般 , 冬阴公汤都几辣 .... 仲非常之咸 ,
如果单点一碗冬阴公汤系咁o既质素o既话就好唔掂 ...
我唔知系咪因为我地叫泡花甲所以主打系令 d 花甲入味 , 所以先咁咸
9. 柑桔青柠梳打 / 咸桔柑七喜~ 正常味道 , 冰冻解渴 , $ 20 一杯 , 价钱合理
## 团购比左 $ 98 , 连埋补返个原价加一 , 呢餐共 $ 240 左右 , 好平 !!食物同环境都唔错 , 睇定左 menu , 明炉鱼 $ 78 , 大头虾 $ 128 / 2 , 下次见 ^^
张贴
