亞蘇爾 (新城市廣場) (已結業)

依家好多餐厅都有外卖优惠，非常抵！叫咗二人餐，有两个餐汤、猪扒包、葡国鸡饭及炒杂菜，仲有两个饮品。饮品汽水可拣可乐、Zero、七喜或梳打。葡式猪扒包最好食，用上法包，烘得脆脆，猪扒够林。真系去亲澳门都会食，而家冇得去澳门，喺呢度叫返个食。钟意食葡国鸡饭，有汁又香。有椰汁香味，鸡肉几滑。二人份量相当足够。澳门菜当然唔少得马介休，套餐有马介休炒杂菜，马介休味咸咸地好香，有椰菜、车厘茄、橄榄、粟米芯。套餐有汤又有饮品，$248外卖自取仲有7折，折完$173.6，真系抵食！