Papa (已結業)

网上揾到呢间叫Papa的外卖店，价钱唔贵，睇餐牌仲几啱食，一于同朋友叫呢间先。见近近地就自己上去pick up，大厦唔难揾，不过架䢂要拉闸真系有啲唔惯呀。一早落左单，去到㩒个门钟就有得拎，非常有效率👍见天气咁好，同朋友到左观塘海宾到开餐，哗，原来呢度平日都好多人带地坛黎野餐㖞，呵呵，我哋就食香喷喷嘅外卖🤭🐖猪腩肉饭配香草杂菜汁🍚自己点左猪腩肉饭，有四大片腩肉，多肥少瘦加上猪皮烧得香口真系几正，入口有满满的猪油，好满足😝香草汁几啱口味，多汁正好捞饭食，配料有红萝卜同椰菜仔，有肉有菜啱晒啦。🐂牛肋条饭配红酒烧汁🍚朋友叫左牛肋条，牛就梗系要配红酒汁啦😛炆得好入味，啱啱肉正呀，配菜同样系红萝卜同椰菜仔。🐓Papa Yellow🥗另一位就话要健康啲食沙律戒淀粉质㖞，叫左个Papa yellow，有牛油果、蕃茄、芒果、鸡肉同沙律菜，都几大碗㖞，仲有啲藜麦添，抵食过便利店嘅沙律餐😆朋友表示满意👍人均五十蚊左右就食饱饱，正🤤