優點點心專門店

营业中

休息中

依间外卖点心小食，其实都帮衬咗好多年，不过由于之前都系偏贵，所以我净系会买炸云吞($3X)俾我妈咪食㗎啫，因为佢哋系即叫即炸，我妈咪劲爱。今日见到佢嘅悭钱孖宝，于是乎我又走去再试一试。结果我帮衬左佢哋买咗一个蒸饭再加$15配左一个点心，原来佢哋外卖仲有九折添( ´▽` )ﾉ 正！所以结果盛为$45！但系我唔明条数点计，因为睇返张单，佢话蒸饭正价系$33，个鲜竹卷系$17，合共$50，再九折。佢唔系应该计我$15嘅鲜竹卷咩？点都好啦，都系争两蚊，豪俾佢|(￣3￣)|个凤爪排骨蒸饭劲重手，好多饭同埋好多𩠌，其实我食唔晒嘅。味道OK，佢个豉汁几好，而啲排骨都炆得几淋。反而个鲜竹卷比较失色，因为佢里面冇乜料㗎，不过系好大块腐皮，份量好大。