Outback Steakhouse (The LOHAS康城) (已結業)

周末去参观朋友喺康城嘅新屋，dinner就买咗outback外卖返去一齐食。外卖menu大部分都系$100楼下有找，算系几抵食。我哋嗌左一个烤美国带子烟肉白汁烩饭同蕃茄肉酱意粉，跟餐有埋汤同埋黑糖面包。黑糖面包系outback嘅名物，面包带少少甜，口感松软，加埋佢哋嘅软身牛油好好食😋白汁烩饭都唔错，饭嘅硬度控制得几好，唔会煮到烂哂，入面有少少甜椒洋葱，口感唔错，白汁好浓好creamy，带子外面包咗一层烟肉，煎封得几靓，带子虽然唔系半生熟状态，但系都唔系overcooked，算几好食。意粉偏重蕃茄味，肉酱唔算好多，觉得佢系一个蕃茄意粉多过肉酱意粉。蕃茄酸味味好fresh，可以同Creamy嘅白汁烩饭balance番。