將軍燒鵝

营业中

休息中

近期公司附近新开左间烧味店，四周茶餐厅又食到闷，见个牌写住单拼双拼都系$28好抵㖞，胆粗粗入去买来食下先。烧味柜台就唔讲啦，间间差唔多，但吸引我是一只只鹅鸭挂晒在柜内风干入味，环境干净卫生。再斜望入去，掂呀！自设工场，自己烧叉烧、烧肉、烧鹅鸭仲有乳猪，而且环境非常干净卫生，设施齐全整齐，同其他烧味舖完全不一样。咁我当然即刻叫歌烧肉鸭双拼饭啦，加$10整只鸭髀试吓先，睇返个餐牌啊，佢啲叉烧、油鸡、切鸡又唔系贵㖞，价钱非常公道。喂先讲返食物啦，始终门面干净企理都唔及食物重要，打开盖一睇，烧肉同烧鸭都排得满满，又有姜蓉同菜，啲烧肉真系冇得弹，由于系即烧，所以真系好松脆，烧鸭皮脆肉够入味，充满香叶八角味，最重要呢一个师傅，如果见到呢只鸭皮下边有肥膏，佢会主动帮你切开块皮切咗啲肥膏再摆返块皮落去，等你唔好食咁多脂肪，非常窝心，值得一赞。都讲埋个姜蓉先，姜蓉呢，通常呢系烧味舖嘅其中一个灵魂，佢啲姜蓉唔系净系得个咸字，沟得啱啱好送饭时候唔觉得太咸，亦唔觉得太油。值得再食。