大滿喜日本料理 (已結業)

最近生日，所以终于有藉口放肆下食放题🤣之前听朋友话大满喜好抵（比起其他同类嘅日式放题，依度$220加一真系不错），所以就book咗放工黎食。一去到，侍应就同我地讲话可以用微信qr code落单。（之后同朋友验证，就咁scan qr code开网页版都ok）饿到傻咗嘅我地当然即刻乜都嗌啲试下啦！等紧野食嘅时候，我地就去咗攞饮品。饮品啲种类都好多，放题必备嘅饮品都有!除左饮品，仲有个「沙律吧」同甜品吧（呜呜～之后食得太饱，无试到甜品）落完单之后，啲野食好快就上。好得意，刺身个盘会有啲烟喷出黎🤣🤣🤣啲三文鱼切得好厚好大份！另外推荐嘅就系带子！唔会好细粒！整体啲刺身都好不错，大大份！除左刺身，我地都有嗌熟食！牛舌好正，虽然就咁食可能味道浓咗少少，但挤返柠檬汁就即刻调和到个味道。另外，当然唔可以唔提我最钟意食嘅羊架。食落口好鲜嫩，又有汁，唔会好干。食完咁多肉，最后食返个烧菠萝refresh下，真系perfect!下次有朋友生日都会再拉埋佢黎依度食放题！