船長意法日餐廳 (已結業)

呢几日嘅天气真系热到不得了，都唔想出去远嘅地方食饭，近近地去左呢间船长日法意餐厅。餐厅里面嘅装修都几别致，以不同船嘅图案，配件黎做装饰，仲有一束束嘅大吊灯，感觉唔错。而餐厅空间感都几大，卡位多，可以坐得松动d,不过个衞生就争少少，特别系个洗手间😣呢度食物嘅种类都几多，价钱又唔贵，我地叫左2个主食，3个小食，2杯特饮，（食物种类太多，不知不觉就叫左咁多😥）但都只系$300，食到饱饱，超级抵食。龙虾汁香煎龙脷柳配日本帆立贝多数龙脷柳都有雪藏味，但呢个冇乜。肉质偏软腍，一切开就散左，略嫌煎得唔够，而且龙虾汁味道咸左少少。个意粉好好食，有香浓番茄味，而意粉软硬适中。板烧澳洲肉眼扒配烟肉红酒汁 肉眼扒唔会太老，肉够厚亦多肉汁。加上烟肉红酒汁，成块肉眼扒更加惹味，唔会太浓，味道刚好。爆脆鸡翼 鸡翼香脆惹味，外层卜卜脆，好似炸鸡快餐店𠮶d,肉质鲜嫰唔会干和风炸虾饼 猪喜欢呢个虾饼，因为冇谂过咬落有虾味，唔太浓味，点埋沙律酱食，非常配。椒盐鱿鱼须 用左个金属篮子载住，好可爱，鱿鱼好新鲜，咬落唔会韧，食到椒盐味，唔会太咸。乳酸梳打特饮入口感觉系益力多既乳酸味道，酸酸甜甜几开胃，唔会太甜，重点系，超消暑，