品味餐廳

营业中

休息中

下午茶时间想hea下食番个tea，去元朗嘅话，不妨试下呢间餐厅。行开元朗广场，系元朗西巴士总站附近，近车头位置，好容易就揾到佢。唔好睇佢店面平平无奇，里面嘅下午茶餐其实非常吸引。叫咗洋葱汁猪扒加薯条，等咗冇几耐就有得食。块猪扒超大旧，煎得好香，蘸汁好好食。薯条刚刚炸起，热辣辣，脆卜卜。仲有少少配菜：番茄同青瓜，入口爽脆。配红豆冰，竟然唔洗加钱！红豆非常大粒，有口感，饮完好清凉。唔想食猪扒嘅朋友，可以拣牛扒或鸡扒，仲有其他例牌野，好似西多士，亦都有细份炒粉面。