Hard Rock Cafe (已結業)

Happy Friday同事提议黎呢间餐厅食午餐，虽然系兰桂坊好高个头，但都一于照去。餐厅有啲酒巴feel，星期五都好full下。有lunch set, 有齐汤，沙律，主菜同饮品，我地每人叫左一份。听同事讲以前系汤同沙律拣一样，依家两样都有，不过每样就份量少左。个汤系忌廉汤，好浓郁好好味。沙律则不过不失，如果两者要拣一个，记得拣汤。主菜我拣左牛扒，如果冇同佢讲就系7成熟，所以我特别叫佢煮5成熟。佢仲有啲配菜，有个薯蓉波，同大大只太阳蛋放系面。同事话以前系配薯条，原本我都钟意薯条多点，但呢个薯蓉坚好食。牛扒煎得好香，不过我觉得系7成熟。成个餐食到超饱，除左我个个都食唔晒，呢个价钱呢个质素真系好抵。