影片
更多
2023-06-14
58 浏览
今晚去土瓜湾食西餐! set dinner价钱由二百几到三百几不等，如果想配饭/意粉都只系加$10，不过除非你好大食，如果唔系我觉得唔加都好够饱😂见到包三样前菜以为份量会好少，点知相反!!每人仲有个餐包配一个好入味嘅牛油，再加一份手掌咁大嘅蒜蓉多士，钟意食包就应该会好满足。今日个餐汤系热辣辣嘅蘑菇汤，都算浓味，而𠮶焗蚝比我想像中大只，虽然写住参巴酱焗蚝不过系唔辣嘅，而且超多芝士铺系上面。 其中一个main course我地拣咗秘制香草烧鸡，𠮶酱汁非常入味，而最惊喜系个烧鸡好够淋好易切开两个人share，我地一下就食晒😆三文鱼外观煎得几靓，不过略嫌多咗少少油去煎，对我地黎讲有少少腻。如果干身少少再去点佢𠮶vodka butter sauce就应该更好食。难得系配菜份量都好足又好食，唔会好似有啲西餐咁啲蔬菜好干身又细份。我地一路食侍应都不忘一路帮我地清走啲空碟，上菜速度亦啱啱好，唔会太慢/太急。 食到一半我地就叫咗嘢饮，佢个drink menu都好多选择，特别系唔同嘅茶类饮品，都只系需要补返差价就可以跟set叫。洛神花玫瑰茶解腻又健康，啱晒女仔饮。佢用咗𠮶透明茶壶加埋蜡烛系底坐热，唔惊啲茶
见到包三样前菜以为份量会好少，点知相反!!每人仲有个餐包配一个好入味嘅牛油，再加一份手掌咁大嘅蒜蓉多士，钟意食包就应该会好满足。今日个餐汤系热辣辣嘅蘑菇汤，都算浓味，而𠮶焗蚝比我想像中大只，虽然写住参巴酱焗蚝不过系唔辣嘅，而且超多芝士铺系上面。
其中一个main course我地拣咗秘制香草烧鸡，𠮶酱汁非常入味，而最惊喜系个烧鸡好够淋好易切开两个人share，我地一下就食晒😆三文鱼外观煎得几靓，不过略嫌多咗少少油去煎，对我地黎讲有少少腻。如果干身少少再去点佢𠮶vodka butter sauce就应该更好食。难得系配菜份量都好足又好食，唔会好似有啲西餐咁啲蔬菜好干身又细份。
我地一路食侍应都不忘一路帮我地清走啲空碟，上菜速度亦啱啱好，唔会太慢/太急。
食到一半我地就叫咗嘢饮，佢个drink menu都好多选择，特别系唔同嘅茶类饮品，都只系需要补返差价就可以跟set叫。
洛神花玫瑰茶解腻又健康，啱晒女仔饮。佢用咗𠮶透明茶壶加埋蜡烛系底坐热，唔惊啲茶冻晒。茶入面都好足料，好饮又啱晒影相。侍应仲好细心见我地剩返少少茶就帮我地refill，下次应该会试埋其他茶饮🥰🥰
甜品有两个泡芙，反而我觉得甜品就无主菜咁出色，不过前面食到已经好饱所以都未必食得落更大份量嘅甜品。
整体黎讲性价比好高!!每人二三百蚊就食咗好多款式嘅嘢食，而且地方坐得舒服唔会太逼，听讲佢地父亲节仲有新menu!! 大家快啲去book位啦!!
张贴
