魚川居 (金漢工業大廈)

营业中

休息中

同事介绍公司附近有好味海南鸡饭食，今日跟住去食晏，在工厦二楼，楼下有餐单，都算几容易揾。上到2楼，估唔到间店咁大间，仲要差唔多坐满晒人，好彩唔使等位。佢餐牌介绍有：可能系世一无骨海南鸡饭。但系我见到枱面个介绍有大大个云吞鸡，好似更加吸引，我问啲姐姐，佢同无骨海南鸡系咪同一款鸡，姐姐话系同一款鸡嚟嘅，咁就梗系食云吞鸡有两样嘢食吸引啲啦。粒云吞好大粒，肉馅味道好鲜味。加$5 将鸡件转成鸡髀，连骨嘅肉梗系特别嫩滑啦。点咗淮山面，份量好多食唔晒。另外个人气第二名就系酸菜鱼，估唔到午餐都有得食，少少辣酸味比较重，好开胃。啲鱼片非常嫩滑，酸菜汤配上芽菜菜底，吸晒啲汤汁精华非常好食。再加埋惹味香脆土匪鸡翼，真系好饱嘅一餐。