兩合海鮮火鍋飯店

营业中

休息中

朋友介绍黎食，睇价钱觉得几抵食，平时大排档一个小菜大概一旧水，呢度平均七、八十。环境算坐得阔落，位唔会劲迫。最惊讶系呢度都用手机落单，好先进😂.砵仔鸡蛋焗鱼肠 - 一见到有呢个食就即叫，因为唔算好多地方有得食。呢个同平时食开有少少唔同，如果唔钟意芫茜的话就唔好叫，因为佢都重芫茜。整体味道ok, 鱼肠都多，蛋味都浓。.卤水鹅肠拼墨鱼 - $138黎讲有啲贵，份量唔多，下层全部都系芽菜。味道舖淡，但鹅肠都几多膏，墨鱼就较薄片。.方鱼肉碎粥 - 大大窝，肉碎几香.韭菜猪红 - 不过不失，偏油，韭菜少咗啲。