九份•十分 (河畔花園) (已結業)

男朋友住沙田，平时系新城市同周边 d 餐厅已经食到厌，今次就过条桥去河畔个边觅食~行过见到呢间台湾野，装修好似几骨子，入面都多人食，就决定试呢间！Menu 入面饮品同食物种类非常多，有选择困难症既我拣左好耐先 shortlist 到 4 样（2个人食 4 样其实都好多）醉小三：有醉鸭舌，醉猪手同醉鸡，3样都好够” 醉” ，入味得尼又好清新，每样都有 4 件，份量算多盐酥鸡（自选口味）：好大碟有成十件鸡，最特别系佢比你自己落调味粉，我最中意咖哩味综合卤味肉燥饭：男朋友叫既，平时好食得既佢都食唔哂，可想而知几大碟。而且又有我中意既卤水鸭舌，一餐食左 2 种味既鸭舌，满足红烧牛肉面：佢 menu 写微辣，不过对我呢个辣精尼讲算系一 d 都唔辣哈哈，如果有得加辣会仲开心。个牛肉好林好易咬开，好大旧，有成 3 旧！食唔哂呀饮品：姜母茶，同蜂蜜菊花姜蜜，因为我地 2 个都病病地，唔敢饮冻野下次有机会尼，会试下个忌廉芝士磨菇鸡翼~