樂園魚蛋粉

营业中

休息中

餐厅环境光鲜，座位阔落，完全唔会坐得逼。而且有充满怀旧气息既地砖。每碗粉面价钱经济实惠，吸引好多食客及外卖。最紧要叫完劲快就送上。秘制牛腩米粉($39)，牛腩肥美肉实，煮得非常‘林’，油脂位牛香味爆在口中，腩汁香浓。米粉份量多，一大碗好饱足。古法鲜虾云吞面($35)，粒粒饱满既云吞，内馅有一大原只虾，弹牙，鲜肉结实。云吞皮薄，配汤食一流。汤底充满炸蒜味，热辣辣暖入心。饮多几啖，都唔会觉得口渴。净鱼蛋鱼片汤，心思思想食多个𩠌，就食出名既手打鱼蛋。果然冇错，鱼肉超弹牙，口感十足。鱼片外皮炸过，香口口感更胜一筹。另外亦附有生菜底，想食多d菜既话，直接叫油菜都好抵食。豆浆，食港式粉面，最佳配搭。整体，以尖沙咀既物价黎讲，完全唔贵，饱肚亦美味，抵食。