鳳城酒家 (已結業)

秋风起，令人想食大闸蟹同蛇羹，今次凤城推出呢个团购餐包含晒所有秋冬进补的食物，除左大闸蟹同蛇羹外，仲有羊腩煲，糯米饭，绝对系一次过满足晒所有愿望 食物唔差，不过上菜出左问题，我地等齐人先叫上菜，但等左成个钟，眼见隔离枱差唔多叫上菜的，都食到七七八八，追左好多次，其中一个先话写错枱号，所以先无上过菜…… 第一道先嚟的系脆皮卤豆腐，由于大家等到好肚饿，好快就狂风扫落叶清左 接住就黎主角之一，大闸蟹，三四両重，虽然细细只，但蟹膏劲多，系度食蟹脚时都有蟹油流出黎，d蟹肉都好鲜甜 之后陆续上蛇羹，豆苗，羊腩煲，糯米饭，好满足的一餐