千葉鳥

营业中

休息中

今日去咗天水围，系天泽商场揾地方食番个lunch，见到呢间日式餐厅入面都有几多人食嘢，直觉觉得佢哋会几好食，所以入去是旦食。入到去感觉到啲装修都几有日本餐厅feel，拣咗个和式卡位坐，卡位墙上面有好多日文嘅poster，加埋个日式天花灯，成功令人有置身日本餐厅嘅环境嘅感觉。叫咗蒲烧🔥鳗鱼朴叶饭，有埋一碗面豉汤，价钱系八十六蚊，又叫埋盐🧂烧油甘鱼头($125)。鳗鱼饭上枱时好有特色，唔系用碗或者碟头饭咁上枱，而系用一个连盖嘅日式木盒上枱，打开木盒嘅盖就见到有一大块叶包住啲饭同埋鳗鱼，未食已经觉得有惊喜，觉得佢哋一丝不苟，当然，至紧要系鳗鱼肥美可口，正😋。烧油甘鱼头系我嘅至爱，脆卜卜之余又有美味丰富omega 3👍。