影片
更多
2021-05-13
375 浏览
今晚喺太古谂唔到食咩，又去咗金记食晚餐，坐低见到隔离喺度锯扒，闻落去香喷喷，所以同朋友各自叫咗个杂扒餐，有烟肉，肠仔，牛扒，猪扒同鸡扒，餐汤及意粉，仲包一杯餐饮，都系百零蚊。西餐汤系传统茶记嘅红汤，味道好丰富，有好多蔬菜，有茄膏的味道，饮落都几香浓，完全系儿时嘅味道。个扒上枱，淋上黑椒汁，铁板咋咋声，香味扑鼻，非常之吸引。肠仔煎得非常香脆，烟肉一片刚刚好，鸡扒有口感，鸡味不错，鸡皮有油香。牛扒系传统薄薄一片的，当然唔系追求和牛的味道，入口松软，肉味正常。连骨的猪扒最好味，大块又厚身，师傅应该有帮佢做过按摩，口感唔错，有肉味又唔会太淋，不似一般茶餐厅有过重的梳打粉味。铁板仲有少少洋葱垫底，几惹味，同埋粟米，西兰花及两个蕃茄，颜色鲜艳。配上最爱嘅茄汁意粉，简直系无敌。餐饮加$3就有杯冻柠茶，份量都几大杯，茶色浅啡有茶香，柠檬都有四五片算交足货。唔知点解细个，每逢大事大节，真系钟意锯扒，好怀念当时嘅味道，今晚所有回忆都返晒黎！餐厅而家仲有啲二人或四人晚餐可以拣两三个𩠌，都几吸引，下次应该可以试试。我觉得金记食物嘅水准几高，而且价钱非常之抵食又大碟，唔怪得今日闲日都爆场，仲好多人等紧外卖！
今晚喺太古谂唔到食咩，又去咗金记食晚餐，坐低见到隔离喺度锯扒，闻落去香喷喷，所以同朋友各自叫咗个杂扒餐，有烟肉，肠仔，牛扒，猪扒同鸡扒，餐汤及意粉，仲包一杯餐饮，都系百零蚊。
西餐汤系传统茶记嘅红汤，味道好丰富，有好多蔬菜，有茄膏的味道，饮落都几香浓，完全系儿时嘅味道。
个扒上枱，淋上黑椒汁，铁板咋咋声，香味扑鼻，非常之吸引。
肠仔煎得非常香脆，烟肉一片刚刚好，鸡扒有口感，鸡味不错，鸡皮有油香。
牛扒系传统薄薄一片的，当然唔系追求和牛的味道，入口松软，肉味正常。
连骨的猪扒最好味，大块又厚身，师傅应该有帮佢做过按摩，口感唔错，有肉味又唔会太淋，不似一般茶餐厅有过重的梳打粉味。
铁板仲有少少洋葱垫底，几惹味，同埋粟米，西兰花及两个蕃茄，颜色鲜艳。
配上最爱嘅茄汁意粉，简直系无敌。
餐饮加$3就有杯冻柠茶，份量都几大杯，茶色浅啡有茶香，柠檬都有四五片算交足货。
唔知点解细个，每逢大事大节，真系钟意锯扒，好怀念当时嘅味道，今晚所有回忆都返晒黎！餐厅而家仲有啲二人或四人晚餐可以拣两三个𩠌，都几吸引，下次应该可以试试。我觉得金记食物嘅水准几高，而且价钱非常之抵食又大碟，唔怪得今日闲日都爆场，仲好多人等紧外卖！
张贴
