臺坊 (加拿分道) (已結業)

今日去尖沙咀揾食，系厚福街街头有间台湾野，入面格局整整齐齐，要先系收银比钱叫餐，后坐低，等侍应送餐，台湾出名既牛肉面好吸引，但我冇试，台湾菜之中我都钟意食干伴面，今次就试一试佢嘅猪扒肉燥伴面，同埋炸花枝丸。食物大概10分钟上枱，猪扒肉燥伴面个面底都大大份，猪扒厚切，肉燥都多，肉燥好有台式既味道，仲有半边卤水蛋，唔错！至于炸花枝丸，有5粒，即叫即炸，花枝丸弹牙，佢系花枝丸外面洒了台湾独有既椒盐调味粉，谂起去台湾夜市时食嘅炸鸡排果种味🤤🤤🤤谂起都流口水，果花枝丸食唔停口吖，味道一流下次一定要试佢嘅牛肉面，汤底好香浓，牛肉冧身，睇见都想食吖虽然冇得飞去台湾食正宗嘅台湾野，唯有食住顶下瘾先啦。