泰亞萊海南雞專門店 (已結業)

中午喺荔枝角去咗食海南鸡饭嘅外卖，平时都排长龙，出名抵食，佢只鸡做得非嫩滑，最紧要份量够多，价钱都系$48，仲可以加$3就有冰柠檬冰，龙眼冰及椰汁特饮。此店的鸡皮做得爽脆，肉够多汁，全部鸡已经去骨，非常之滑。最重要他的酱汁唔系普通嘅货色，有泰式香料，辣椒，姜不同嘅香料混合，感觉似是酿制过的，有一点陈年嘅味道，所以酸辣汁感觉好内敛不会死咸。可惜油饭的南姜香茅蒜头的香味都不够，油份就争少少。饮品方面，椰汁及龙眼冰系最多人嘅选择，味道非常之浓郁。之前试过猪手饭感觉就像少少，味道有点猪燥味，而且口感太软，有啲似煲汤猪肉。不过以价钱来说真系冇得顶，大家仲可以买半只海南鸡外卖，都不失为一个晚饭外卖的选择。