新錦園大排檔

营业中

休息中

呢间大排档在熟食中心差不多是独市生意，大件夹抵食，所以未够七点已经差唔多坐满，真系好夸张！系唔系真系咁好食呢？今次去有点失望...白饭鱼煎蛋($38) - 好大碟，煎得几香口，白饭鱼都好大条但唔算多，仲好油腻。椒盐鲜鱿($50) - 都系劲大碟，色水好似炸得唔够透同干身，食落唔算好脆...麻麻地...唔算好食。金银蛋苋菜($32) - 超大「盆」，皮蛋比咸蛋多，加了冬菜十分香。苋菜多到好似食极都有...食大排档其实系食风味，呢度风味系有，不过水准时好时坏。环境方面，有冷气唔驶热住食，虽然地方唔系好干净因为价钱平又大碟，间唔中食吓都几好。