富城火鍋海鮮酒家

营业中

休息中

今日系嫲嫲生日，见佢同爷爷两老成日赞富城啲野又抵又好食就特登book位带佢地去食！可能因为太早去到只有三四张枱有人用，地方都几阔落！啲员工都好自动自觉问要咩茶！出面仲有表位添!!!!计埋两个岁几两岁既小朋友我地一行十三人叫左个$2688十二人用既“龙精虎猛宴”计埋生果同寿包就一共有十三样野食，仲有两支大啤同6罐汽水，我地唔饮酒所以比左12罐汽我地！第一道系芝士焗龙虾，好多芝士！有啲“漏”麻麻地，龙虾无咩肉！夹黎夹去都系壳！失望！第二道好番啲！碧绿鳯蚌仁，都几大碟，珊瑚蚌都有好多！鸡柳又大旧西芹都炒得岩岩好！第三道系玉环瑶柱甫，普普通通，无咩特别。再黎系百花炸酿蟹拑，好大旧！虾胶打得好弹牙！赞！跟住系红烧花胶生翅，每人得大半碗太少啦！不过味道都唔错！啲料几足！之后系清蒸沙巴龙趸，条鱼真系要赞下！蒸得好滑！好嫩！好好食！之后既蚝皇花菇海鲍片扣玉掌都唔错，花好炆得好林好入味！之后系富城秘制鸡，即系炸子鸡，只鸡都好嫩！外脆内软！正！跟住就系炒饭同伊面，两样都唔错，美中不足既系太油啦！之后加左$88有12个大寿包！大寿包真系值得推介！开头以为系小朋友拳头咁大一个个啲，点知系大人拳头咁大！真系未见